近年流行講要成功，就要建立「個人品牌」。於是由職場新手到老鬼，都識得搵韓式影樓拍輯個人造型照用來見工。靚相已拍，自然想放入履歷表 ( CV )，不過郁手前，你要留心兩個「地雷位」。

地雷一：「唔跟封面」效應

過去唔太興喺履歷表 ( CV ) 上放相，不過自從有了社交平台後，大家都會想起社交平台有Profile Pic，咁履歷表 ( CV ) 放張造型照都好合理吧。

講到履歷表 ( CV ) 擺相，不少人都會想到自己個樣見得人先有分加，否則只會扣分吧。有了韓式影樓再加高科技執相後，這個問題就唔成問題了。只要你個樣唔算太騎呢，執靚個造型再經專業攝影師拍攝、後製，造型相至少較真人靚三倍。

但大家都聽唔少社交平台Profile Pic與真人相差太遠的笑話，同樣道理，你張履歷表 ( CV ) 照片星味十足，到真人現身又如此平凡。負責面試的人見到真人「唔跟封面」效果，自然會心中暗笑，悶悶地甚至會直接問你仲乜真人同張相爭咁遠。因為一要靚相換來尷尬，「唔跟封面」效應更令你見工無下文，確實係搵嚟搞。

地雷二：Add Value作用有限

曾有外國人力顧問專家不客氣地指出，履歷表 ( CV ) 擺相反映求職者個人判斷力有問題。此評論可能略為「激」，不過著重比經驗、比知識、比能力的工種，你擺張相落履歷表 ( CV )，Add Value作用有限，更會令揀人的主管有「唔知點」感覺。

當然有不少要見人的工種，如銷售員、財務策劃顧問等，你個Look算唔錯，整張靚造型照應該可以加分。不過理論歸理論，加唔加分都係講彩數。試想像一下，不少把關人可能係女性，女性對靚女或許多少有一點「唔係做嘢」偏見甚至妒忌心，你整張超靚女相落履歷表 ( CV )，反而可能在第一Round就被把關人篩走，連面試機會都欠奉。

咁你會疑惑，花錢整張靚造型照豈非白費心機？咁又唔係，你面試時填Form，登記網上履歷表 ( CV ) 或專業社交平台Account時，這張相都用得著。還有一個例外情況，嗰啲強調創意、會要求你自拍短片的公司，你在履歷表 ( CV ) 整張型爆造型照，相信揀人嗰位都會相當歡迎吧。